Uppgávan hjá Talgildu Føroyum var ikki bara at síggja til, at føroyingar fóru at fáa sær Samleikan og Vangan. Tey skuldu eisini tryggja, at ein góðvild var til staðar – at føroyingar tóku ímóti tænastunum við opnum ørmum og gjørdust stolt av hesum. Her kemur design inn í myndina: Design er jú ikki bara, at tað sær lekkurt út. Design er eisini, at tað følist lekkurt – at tað kennist lætt, trygt og persónligt.

Talgildu Føroyar tóku eitt risafet, tá tey við Samleikanum og Vanganum leiddu almennu Føroyar inn í talgildu øldina. Vit hjálptu teimum tað seinasta strekkið á leiðini.