Brekumboðið er ein nýggjur stovnur, sum skal arbeiða fyri at fremja rættindini hjá fólki við skerdum førleika. Og ein partur av at trína inn á pallin er at hava eitt greitt design og eitt merki, sum kennist aftur.

Merkið hjá Brekumboðnum er ein samanseting av fleiri tankum, sum passaðu saman. Eitt b og eitt u – og tveir persónar, sum samskifta. Og hyggur tú einaferð aftrat, so kanst tú eisini síggja tvey eygu sum halda eftirlit – ein týðandi partur av leiklutinum hjá Brekumboðnum.

Til lukku Føroyar.